Sondazh: Të bëhesh i pasur në Shqipëri është:
  • E lehtë 0%
  • E vështirë 80%
  • E pamundur 20%

Përmbytjet shembin tempullin në Indi, 16 viktima dhe 25 të bllokuar

Nga A2 CNN
14 Gusht 2023, 12:21 | Bota

Përmbytjet kanë shkaktuar shembjen e një tempulli në shtetin verior indian të Himachal Pradesh të hënën, duke vrarë 9 persona dhe duke lënë deri në 25 të tjerë të bllokuar nën rrënoja. Shirat e dendur kanë shkaktuar vdekjen e 7 persona të tjerë në rrethin e Solan.

Tempulli në kryeqytetin e shtetit Shimla, një zonë e njohur turistike, u shemb rreth orës 8 të mëngjesit me orën lokale, tha kryeministri i shtetit Sukhvinder Singh Sukhu për agjencinë indiane të lajmeve ANI gjatë një vizite në vendin e tempullit të hënën.

Trupat e atyre që vdiqën janë nxjerrë dhe "administrata lokale po punon për të pastruar mbetjet",  postoi Sukhu në rrjetet sociale.

Pesë persona janë shpëtuar, por rreth 20 deri në 25 persona mbeten të bllokuar, me përpjekjet e shpëtimit në vazhdim.

"Ne i kemi udhëzuar autoritetet që të sigurojnë të gjithë ndihmën dhe mbështetjen e mundshme për familjet e prekura gjatë kësaj periudhe provuese. Unë u bëj thirrje njerëzve që të qëndrojnë brenda, zonave të prirura nga rrëshqitja e dheut" tha Sukhu.

Zyrtarët e policisë rrugore i kanë kërkuar gjithashtu publikut që të shmangë udhëtimet për shkak të reshjeve të dendura të vazhdueshme, me Departamentin Meteorologjik Indian që ka lëshuar një alarm të kuq për shtetin.

Videot dhe imazhet e shpërndara në mediat sociale tregojnë rrugë të shkatërruara dhe pemë të rrëzuara, ndërsa uji që rrjedh poshtë maleve dërgon shkëmbinj të mëdhenj.

Himachal Pradesh, ka qenë një nga shtetet më të prekura në këtë sezon musonesh. Në korrik më shumë se 30 njerëz në shtet u vranë pas përmbytjeve dhe rrëshqitjeve të dheut.

Disa shkencëtarë thonë se kriza klimatike e shkaktuar nga njeriu po e bën sezonin e musoneve në Indi më kaotike dhe të çrregullt.

A2 CNN Livestream

Ditari nga Bruna Çifligu