E veçanta e Nokovitëve, duket se është sfumuar nga lënia në harresë nga institucionet lokale. Zona e Lunxhërisë në Gjirokastër ka potenciale reale për të qenë një zonë turistike, por lënia në harresë po e kthen në një grumbull mbetjesh.
Banorët kanë sajuar ku të mundin vende për hedhjen e mbeturinave edhe pse e dinë që po dëmtojnë jo vetëm zonën, por rrezikojnë edhe shëndetin e tyre.
“Nuk merret vesh, tek ura, këtej, andej, nuk është një vend i mbyllur. Nuk ka kazanë mbeturinash në fshat”, thotë një nga banorët.
“Kemi bërë kërkesë që të sjellin 2-3 kazanë dhe të transportohen një herë në javë, këtu hidhen vend e pa vend se nuk ka kazanë”, thotë një tjetër.
“Mbeturinat hidhen pas shtëpisë sime, nuk ka patur asnjëherë kosha”, vijon një tjetër banor.
Banorët nuk kanë më as shpresë se zëri i tyre do të dëgjohet ndonjëherë.
“Kujt t’i ankohemi, i jam ankuar atij të këshillit, kryeplakut të fshatit. Kush ia vë veshin? Vari bidonat thotë ai”, shprehet një nga banorët.
Të pyetur nga A2 CNN përfaqësuesit e bashkisë nën zë pranojnë situatën por nuk japin asnjë zgjidhje. (A2 Televizion)
A2 CNN Livestream
MUND TE LEXONI GJITHASHTU
