Komisioni Evropian ka miratuar zyrtarisht vendimin për nisjen e negociatave të anëtarësimit me Bosnje e Hercegovinën.
Vendimi është miratuar në takimin e Kolegjit të Komisionarëve, ndërsa është prezantuar para gazetarëve nga zëvendëskryetari i Komisionit Evropian, Marosh Shefçoviç.
“I kemi rekomanduar Këshillit nisjen e negociatave të anëtarësimit me Bosnje e Hercegovinën dhe që të miratojë kornizën negociuese kur Bosnje-Hercegovina të ndërmarrë hapa në përputhje me raportin e Komisionit Evropian“, ka thënë ai.
Ky vendim është paralajmëruar më herët nga presidentja e Komisionit Evropian, Ursula von der Leyen, duke përmendur disa rezultate, përfshirë edhe faktin se Bosnjë e Hercegovina ka nivelin e përshtatjes 100 për qind me politikën e jashtme dhe të sigurisë të BE-së.
Pas rekomandimit të Komisionit Evropian, vendimin për nisjen e negociatave duhet ta marrin liderët e 27 shteteve anëtare të Bashkimit Evropian. Kjo do të jetë në rend të ditës në një samit që do të zhvillohet më 21 dhe 22 mars në Bruksel.
(A2 Televizion)
A2 CNN Livestream
MUND TE LEXONI GJITHASHTU
