Falja e namazit pas Ramazanit, hapet pas 102 vitesh xhamia në Selanik

Nga A2 CNN
10 Prill 2024, 08:02 | Ballkani

Pas 102 vitesh, në Selanik të Greqisë është rihapur Xhamia Yeni, e cila deri më sot ishte përdorur si hapësirë ​​ekspozite e Galerisë së Arteve komunale.

Autoritetet në Selanik e hapën xhaminë duke i dhënë mundësinë për të falur namazin besimtarëve myslimanë, të cilët sot festojnë Fiter Bajramin pas përfundimit të një muaji agjërim.

Që në orët e para të mëngjesit, në vendngjarje mbërritën një numër i madh besimtarësh për të falur namazin, ndërsa masat e policisë greke në zonë dhe perimetrin e objektit ishin shtuar tejmase. Oficerë policie qëndronin në hyrje të xhamisë, duke kryer edhe kontrolle mes besimtarëve.

Vendimi i rrallë për Greqinë ortodokse, u mor nga Sekretariati i Përgjithshëm i Feve dhe lutja e parë filloi në orën 07:30, nga Imami egjiptian Taha Apdelgalil, shtetas grek dhe anëtar i komitetit fetar të Xhamisë Islame të Athinës.

Namazi, i cili përfundoi pas gjysmë ore, u krye në gjuhën arabe, më pas pati një predikim në arabisht dhe greqisht.

Një vajzë nga Indonezia, e cila studion në Universitetin Aristoteli të Selanikut, e cila mori pjesë në faljen e namazit në xhaminë Jeni tha për mediat helene: “Jam shumë e lumtur që për herë të parë hapet për ne dhe sepse këtu mund të gjej familjen time myslimane dhe mund të festoj Ramazanin”.

A2 CNN Livestream

Debat - nga Alba Alishani