Sondazh: Sipas jush, brezi më i lumtur është:
  • X (1960-1980) 33%
  • Millenials (1981-1996) 56%
  • Z (1997-2011) 11%
  • Alpha (2012-2025) 0%

Andrew Tate dhe i vëllai mund të ekstradohen në Britani, akuzohen për përdhunim dhe trafik njerëzor

Nga A2 CNN
13 Mars 2024, 11:29 | Bota

Andrew Tate dhe i vëllai mund të ekstradohen në Britani, akuzohen

Andrew Tate dhe vëllai i tij Tristan mund të ekstradohen në Britani, pas vendimit të gjykatës rumune. Andrew dhe i vëllai akuzohen për trafikim të qenieve njerëzore dhe për agresion seksual. Ata u arrestuan fillimisht në Rumani në dhjetor të vitit 2022.

Sipas mediave ndërkombëtare, së bashku me vëllanë dhe dy të tjerë dyshohen se kanë kryer trafikim me njerëz në Rumani, por edhe në shtete të tjera duke përfshirë Shtetet e Bashkuara dhe Mbretërinë e Bashkuar.

Autoritetet britanike kanë lëshuar dy urdhërarreste për Andrew dhe Tristan, të cilat janë zbatuar nga autoritetet rumune. Dy vëllezërit kanë mohuar akuzat e bëra ndaj tyre duke thënë se janë të pafajshëm dhe çdokush mund ta shohë këtë. Megjithatë, Gjykata e Apelit në Bukuresht aprovoi ekstradimin e vëllezërve të kërkuar nga policia e Berdforshire.

Andrew Tate dhe i vëllai mund të ekstradohen në Britani, akuzohen

Sipas përfaqësuesve ligjorë të vëllezërve bëhet fjalë për akuza për përdhunim dhe trafik njerëzor në vitet 2012-2015. Por ata shprehin mirënjohje ndaj gjykatës që e ka shtyrë për momentin ekstradimin e tyre në Britani, që vëllezërit të kenë mundësi të bëjnë mbrojtjen e tyre.

Vëllezërit janë arrestuar fillimisht në dhjetor 2022 dhe u vunë më pas në masën e arrestit shtëpiak. Por u liruan nga kjo masë në gushtin e shkuar dhe e drejta e tyre kufizohej për të mos dalë nga Rumania. Andrew Tate ka përsëritur se prokurorët nuk kanë asnjë akuzë kundër tij, por bëhen përpjekje vetëm për ta heshtur atë. 

A2 CNN Livestream

Debat - nga Alba Alishani