Sondazh: Nëse i afërmi juaj e ka ditëlindjen në 29 shkurt, kur e uroni?
  • 28 shkurt 33%
  • 1 mars 33%
  • Nuk e uroj 33%

Bombat bërthamore të SHBA në Britani? Përparojnë planet për ndërtimin e strukturës, Moska reagon ashpër

Nga Rosalba Bejdo
31 Janar 2024, 13:13 | Bota

Bombat bërthamore të SHBA në Britani? Përparojnë planet

Planet për të dislokuar armë bërthamore amerikanë në një bazë ajrore të Suffolks në Britaninë e Madhe kanë përparuar.

BBC, që citon dokumente të departamentit të mbrojtjes në SHBA, bën të ditur se një kontratë është firmosur për ndërtimin e vendstrehimeve për mbrojtjen e trupave që do të garantojnë sigurinë e depove të armeve në bazën e Raf Lakenheath.

Sipas dokumenteve, bëhet fjalë për punë përgatitore për misionin e ardhshëm bërthamore në zonë.

Forcat ajrore dhe departamenti i mbrojtjes në SHBA nuk i janë përgjigjur kërkesës për komente ndërsa përmendin marrëveshjen e kahershme mes anëtarëve të NATO-s, për të mos specifikuar lokacionin e armatimeve bërthamore.

Në mars të vitit 2023 një dokument nga zyra amerikan e zv.sekretarit të mbrojtjes, zbuloi se 50 milionë dollarë do të lëvroheshin për të ndërtuar një strukturë të njohur si “kazerma e sigurisë" në RAF Lakenheath.

Kjo frazë besohet se i referohet depozitimit të armatimeve bërthamore. Më vonë, në shtator u publikua një njoftim për dhënien e kontratave të qeverisë amerikanë i cili tregoi se si do të shpenzoheshin 924.000 dollarë për ndërtimin e objekteve të njohura si "strehime të forta të sigurisë balistike".

22 kabina të manovrueshme dhe rezistente ndaj shpërthimeve janë parashikuar të ndërtohen me metal antiplumb në bazën e Suffolk.

Specifikimi për dritaret, përfshin xham që do t'i rezistonte impaktit nga plumba të kalibrit 30. Kjo do të ishte hera e parë në më shumë se 15 vjet që Shtetet e Bashkuara dërgojnë armatime bërthamore në tokën amerikane.

Bombat që pritet të dërgohen atje, janë të modelit B 61-12, tri herë më të fuqishme se ajo e Hiroshimës. Rusia është kundërpërgjigjur se do të marrë masa kompensuese ndaj një lëvizje të tillë.

A2 CNN Livestream

Ditari nga Denisa Pasholli