Luftëtarët nga forcat anti-qeveritare pushtuan Damaskun, duke i dhënë fund sundimit të Bashar al-Asad, ndërsa gjatë ofensivës së tyre ata kanë arritur të futen edhe në burgjet e regjimit. Një prej tyre është edhe burgu famëkeq i Saydnaya, një nga vendet më të njohura për tortura dhe ekzekutime nën regjimin e Bashar al-Assad.
Ky burg, që është quajtur "Qendra e Masakrës Njerëzore", është përdorur për të mbajtur dhe torturuar kundërshtarët politikë të regjimit, me shifra të paspecifikuara që sugjerojnë se deri në 13,000 persona mund të jenë ekzekutuar atje ndërmjet 2011 dhe 2016, shkruan A2.
Rebelët, ndërsa avancuan drejt kryeqytetit, liruan të burgosurve nga disa burgje, përfshirë Saydnaya. Ata hapën dyert e qelive duke shkatërruar muret duke i rikthyer lirinë qindra të burgosur, përfshirë gra dhe fëmijë. Pamjet e shpëtimit kanë treguar emocione të forta, me shumë që shpërthyen në lot gëzimi dhe panik, pasi ishin të frikësuar nga mundësia e hakmarrjes nga regjimi.
Sistemi i burgjeve në Siri, përfshirë Saydnaya, ka qenë i njohur për tortura të vazhdueshme, ekzekutime dhe kushte të tmerrshme. Amnesty International ka dokumentuar se qindra të burgosur janë ekzekutuar çdo javë dhe shumë janë zhdukur pa lënë asnjë gjurmë. Qelitë nën tokë, ku thuhet se shumë të burgosur ende janë të bllokuar, kanë krijuar një situatë emergjente, pasi ndihma për ta është e vonuar.
Ndërsa përpjekjet për çlirimin e të burgosurve vazhdojnë, shumë familje pritën jashtë burgjeve me shpresën se do të takojnë të dashurit e tyre që kanë munguar për vite.
(A2 Televizion)
A2 CNN Livestream
MUND TE LEXONI GJITHASHTU
