“Izraeli do të duhet të paguajë çmimin e një armëpushimi "një ose dyvjeçar" në Rripin e Gazës, për lirimin e të gjitha pengjeve të mbajtura nga Hamasi”.
Kështu deklaroi lideri i Unitetit Kombëtar, Benny Gantz, i cili të dielën dha dorëheqjen nga kabineti i luftës izraelite.
Ndërkohë, Presidenti i SHBA-së, Joe Biden, duke folur në samitin e G7-s, tha se "nuk pret një armëpushim së shpejti" në Lindjen e Mesme, por shtoi se ai nuk e ka humbur shpresën për një marrëveshje.
Më pas, Biden përsëriti edhe njëherë thirrjen drejtuar Hamasit që të pranojë pa vonesa marrëveshjen që ka në tavolinë, e cila sipas tij do t’i jepte fund gjakderdhjes.
Në frontin e luftës, nuk mungojnë incidentet e tjera në rajon, ku rebelët houthi kanë sulmuar sërish anijet që kalojnë në ngushticën e Adenit.
Komanda Qendrore e SHBA-së deklaron se si pasojë e këtij sulmi me raketa është lënduar një marinar amerikan që udhëtonte në një anije tregtare. (A2 Televizion)
A2 CNN Livestream
MUND TE LEXONI GJITHASHTU
