Sulmi me thikë në një zonë të banuar nga refugjatët, irlandezët i vënë flakën qytetit

Qytetarët në Dublin kanë mbushur rrugët e kryeqytetit irlandez pas një sulmi me thikë ku të plagosur mbetën edhe fëmijë. Qindra njerëz bllokuan rrugët kryesore pranë vendit të sulmit, gjatë të cilit u plagosën tre mitur, një grua dhe vetë sulmuesi.

Një numër i madh imigrantësh jetojnë në lagjen pranë vendit të sulmit.

Protestuesit arritën të çajnë kordonin e policisë. Ata brohorisnin "nxirrini jashtë", duke iu referuar emigrantëve teksa mbanin flamuj irlandez dhe pankarta me sloganin "Jetët irlandeze kanë rëndësi".

Ata gjithashtu i vunë flakën një qendre emigrantësh, të paktën një autobusi dhe një automjeti policie.

Ndërkohë, si pasojë e situatës së krijuar, të paktën një polic ka mbetur i plagosur nga incidentet. Ndërkaq, shefi i policisë nuk ka përjashtuar asnjë mundësi, as atë të terrorizmit, për motivin e sulmit.