Kërcënimi rus, shteti i BE-së drejt heqjes së ndalimit të armëve bërthamore

Ligjvënësit lituanezë kanë prezantuar një amendament kushtetues për të hequr ndalimin e vendit për mbajtjen e armëve bërthamore.

Propozimi, i mbështetur nga 51 nga 141 anëtarët e Parlamentit, mjaftueshëm që të regjistrohet zyrtarisht. Nëse propozimi kalon  do të shfuqizonte nenin 137 të kushtetutës, i cili ndalon armët e shkatërrimit në masë dhe bazat ushtarake të huaja në territorin lituanez.

Vilnius thotë se ky veprim është i nevojshëm për t'iu kundërvënë kërcënimit rus, një ide që Moska e ka mohuar vazhdimisht.

Projektligji vjen pas thirrjes së Presidentit Gitanas Nauseda për të hequr atë që ai e përshkroi si një kufizim “të vjetëruar” . Duke folur pas një takimi me udhëheqësit e fraksioneve parlamentare të enjten, ai argumentoi se Lituania nuk duhet të vendosë kufizime ndaj vetes “nëse lindin rrethana të reja në të ardhmen”.

“Mendimet ishin praktikisht unanime. Pothuajse të gjithë liderët e fraksioneve parlamentare shprehën pikëpamjen se Neni 137 është bërë i vjetëruar dhe jo thjesht duhet të ndryshohet, por të hiqet”, u tha Nauseda gazetarëve. (A2 Televizion)