“Lindni sa më shumë”, rusët ia dëgjojnë fjalën Putinit. Moderatorja: Do bëj gati fëmijën e tretë

Nga A2 CNN
1 Mars 2024, 08:46 | Bota

“Lindni sa më shumë”, rusët ia dëgjojnë

Thirrjeve të vazhdueshme të Presidentit Vladimir Putin, të cilave iu bë jehonë edhe në fjalimin e djeshëm për kombin, që nënat të bëjnë më shumë fëmijë, duket se iu janë përgjigjur në kohë rekord rusët.

Moderatorja Natalya Litovko ka reaguar ndaj apelit të Putinit për rritjen e lindjeve në vend për të përballuar krizën demografike. Teksa ishte në transmetim live në Rossiya 24, 43-vjeçarja ka lajmëruar shikuesit se do të bëjë fëmijën e tretë.

Meqenëse po flasim për planin e ri kombëtar – familjen – burri im sapo më dërgoi një mesazh për të njoftuar se do të kemi një fëmijë të tretë."

Litovko, e cila është një mbështetëse e regjimit të Putinit, është nënë e dy fëmijëve. "Ok, do të flasim më vonë për këtë”, u përgjigj bashkëprezantuesi i 43-vjeçares, e buzëqeshur dhe e zënë ngushtë nga reagimi.

Këto reagime vijnë në një kohë që popullsia e Rusisë po zvogëlohet pjesërisht për shkak të gjendjes së ekonomisë pas luftës në Ukrainë dhe numrit të lartë të ushtarëve të vrarë në front.

A2 CNN Livestream

Ditari nga Bruna Çifligu