Macron, thirrje Izraelit: Ndaloni vrasjen e civilëve në Gaza

Nga A2 CNN
11 Nëntor 2023, 09:15 | Bota

Macron, thirrje Izraelit: Ndaloni vrasjen e civilëve në Gaza

“Ndërsa njohim të drejtën e Izraelit për të mbrojtur veten, ne i bëjmë thirrje që të ndalojnë bombardimet në Gaza”. Kështu është shprehur në një intervistë të fundit të dhënë për BBC presidenti Francez Emmanuel Macron. Ai theksoi duhet të ndalojë vrasjen e foshnjave dhe grave në Gaza. Gjithashtu. Macron u shpreh se Franca dënon veprimet terroriste të Hamasit. Franca, si Izraeli, SHBA, Britania e Madhe dhe vende të tjera perëndimore, e konsiderojnë Hamasin një organizatë terroriste.

Kur u pyet nëse donte që liderë të tjerë, përfshirë në SHBA dhe në Mbretërinë e Bashkuar, t’i bashkoheshin thirrjeve të tij për një armëpushim, ai u përgjigj: “Shpresoj se do ta bëjnë".

Izraeli thotë se sulmon objektiva ushtarakë në përputhje me ligjin ndërkombëtar dhe ndërmerr hapa për të reduktuar viktimat civile, si lëshimi i paralajmërimeve përpara sulmeve dhe thirrja e njerëzve që të evakuohen.

Duke folur në konference për ndihmë humanitare në Paris për luftën në Gaza, Macron tha se “përfundimi i qartë i të gjitha qeverive dhe agjencive të pranishme në atë samit ishte se nuk ka zgjidhje tjetër përveç se fillimisht një pauzë humanitare, duke shkuar në një armëpushim, i cili do të na lejojë të mbrojmë… të gjithë civilët që nuk kanë asnjë lidhje me terroristët”.

“De fakto – sot, civilët bombardohen – de fakto. Këto foshnja, këto zonja, këta të moshuar janë bombarduar dhe vrarë. Pra, nuk ka asnjë arsye për këtë dhe nuk ka legjitimitet. Kështu që ne i bëjmë thirrje Izraelit të ndalojë.” Ai tha se nuk ishte roli i tij të gjykonte nëse ligji ndërkombëtar ishte shkelur.

Kryeministri i Izraelit Benjamin Netanyahu iu përgjigj me shpejtësi komenteve të Macron, duke thënë se kombet duhet të dënojnë Hamasin, jo Izraelin. “Krimet që Hamasi po kryen sot në Gaza do të kryhen nesër në Paris, Nju Jork dhe kudo në botë”, thuhet në një deklaratë nga zyra e Netanyahut.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Loneta Progni