Pas Navalnit, vdes në burg disidenti bjellorus, akuzohej për shpifje ndaj Lukashenkos

Nga A2 CNN
20 Shkurt 2024, 16:46 | Bota

Pas Navalnit, vdes në burg disidenti bjellorus, akuzohej për shpifje

Një aktivist i opozitës bjelloruse, Igar Lednik, vdiq në burg ku po vuante dënimin për "shpifje" kundër presidentit Aleksandër Lukashenko. K jo u raportua nga ish-partia e tij dhe një OJQ e specializuar aktive në këtë vend që numëron më shumë se një mijë të burgosur politikë.

“Igar Lednik, ish-anëtar i Partisë Socialdemokrate Bjelloruse (Gramada), aktivist dhe gazetar, ka vdekur në burg në moshën 64-vjeçare”, tha partia në Telegram, informacion i konfirmuar nga OJQ-ja për të drejtat e njeriut Viasna.

Ai po vuante një dënim prej tre vitesh i arrestuar në dhjetor 2022. Lednik u dënua me tre vjet burg për "shpifje" ndaj presidentit bjellorus për një botim në një gazetë të Partisë Social Demokrate. Në burg, shëndeti i tij u "përkeqësua ndjeshëm", vuri në dukje partia, e drejtuar nga aktivistë jashtë vendit.

Vdekja e Lednik vjen katër ditë pasi Aleksei Navalny vdiq nga "sindroma e vdekjes së papritur" brenda burgut siberian ku ai vuante një dënim 19-vjeçar. Vdekja e Navalny është e rrethuar nga mistere. Disa liderë perëndimorë, duke filluar nga Joe Biden, e kanë akuzuar drejtpërdrejt Moskën, por Kremlini i ka hedhur poshtë këto deklarata, duke i cilësuar si të papranueshme.

 

A2 CNN Livestream

Ditari nga Bruna Çifligu