Rreth 105 kamionë me ndihma humanitare u futën në Gaza gjatë të shtunës

Nga A2 CNN
4 Nëntor 2023, 18:31 | Bota

Rreth 105 kamionë me ndihma janë futur në Gaza ditën e sotme. Kështu ka deklaruar Aekretari amerikan i Shtetit, Antony Blinken nga Amani ku u takua sot me ministrat e Jashtëm të Lindjes së Mesme.

Megjithatë, ai e pranoi se niveli i furnizimeve që po arrijnë në Gaza, nuk mund të jetë i mjaftueshëm.

“Shtetet e Bashkuara janë "të fokusuara intensivisht" në dërgimin e ndihmave humanitare në rajon”, deklaroi ai teksa u përgjigjej gazetarëve që e pyet nëse po bën presion për ndalimin e luftimeve për të lejuar furnizimin me ndihma dhe karburant.

Po ashtu, Blinken përsëriti edhe një herë qëndrimin e SHBA-së, një armëpushim në këtë kohë nuk është veprimi i duhur pasi mund t’i krijojë mundësinë Hamasit që të riorganizohet.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Erion Dushi