Nënsekretarja Allen vëzhgon nga ajri Veriun: Ushtarët amerikanë të përkushtuar për sigurinë në Kosovë

Nga A2 CNN
21 Maj 2024, 09:21 | Aktualitet

Nënsekretarja Allen vëzhgon nga ajri Veriun: Ushtarët

Nënsekretarja e Shtetit për Diplomacinë Publike, Elizabeth Allen gjatë një vizite në Kosovë ka zhvilluar një takimin me trupat amerikane në Kampin “Nothing Hill” në veri dhe ka vëzhguar nga ajri territorin.

Në këtë kuadër, Allen theksoi se Shtetet e Bashkuara të Amerikës po flasin me Qeverinë e Kosovës dhe atë të Serbisë për mënyrat se si mund të ulen tensionet në veri të Kosovës.

"Ishte kënaqësi të vizitoja dhe iu jam vërtet mirënjohëse trupave amerikane që më mundësuan të shoh me helikopter zonën e veriut të Kosovës.  Sigurisht që jemi thellësisht të përkushtuar për sigurinë e veriut të Kosovës. Ne po punojmë si me qeverinë këtu dhe po flasim me qeverinë e Serbisë për mënyrat se si të ulim tensionet; si të rrisim integrimin rajonal; për mënyrat se si para së gjithash të kemi parasysh sigurinë e njerëzve dhe prandaj isha mirënjohëse për mundësinë për ta parë nga afër situatën atje", tha Allen.

E pyetur nëse ka dallim në kërkesat amerikane ndaj Prishtinës zyrtare dhe Beogradit në raport me dialogun, Allen theksoi se Shtetet e Bashkuara kanë marrëdhënie me të dyja vendet.

"Kur flasim me homologët tanë në çdo vend, ne flasim për fushat ku ka përparim dhe fusha ku mund të ketë më shumë përparim. E bëmë këtë në Serbi, ashtu siç po e bëjmë edhe këtu në Kosovë. Sigurisht që mbajtja e marrëdhënieve me të dy vendet vetëm sjell mundësi më të mira për integrimin në të ardhmen”, tha Allen.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Erion Dushi