Ndalimi i vizitës në Preshevë, Sveçla paralajmëron Serbinë: Do të veprojmë me reciprocitet

Nga Xhevahir Qardaku
4 Janar 2024, 13:09 | Kosova

Serbia i mohoi vizitën ministrit të Brendshëm të Kosovës në Luginën e Preshevës pa dhënë asnjë arsye apo shpjegim.

Për këtë ka reaguar vetë Xhelal Sveçla duke paralajmëruar Beogradin se për çështjen e vizitave të zyrtarëve shtetëror, do të veprohet mbi parimet e reciprocitetit.

“Ky akt i Serbisë ndaj vizitës sime dëshmon qasjen destruktive dhe shtypjen e vazhdueshme të saj ndaj shqiptarëve të Luginës”, thekson ministri.

Sveçla shtoi më tej se ky zhvillim nuk do ta ndalë angazhimin e Kosovës për të ndihmuar shqiptarët e Luginës.

“Nuk do të zbehë as dëshirën dhe qëllimin tim për realizim të vizitës atje, për të ndarë me shqiptarët e Luginës shqetësimet e padrejtësitë me të cilat ata ballafaqohen dhe angazhimet e institucioneve të Republikës sonë për ta”, thekson ai mes tjerash.

Ndërkohë, Ragmi Mustafi, këshilltar politik i zëvendëskryeministrit të pare të Kosovës, Besnik Bislimi, sqaroi për A2 CNN se çfarë ndodhi lidhur me refuzimin e vizitës.

A2 CNN Livestream

Debat - nga Alba Alishani