Presidentja e Kosovës, Vjosa Osmani ka bërë homazhe pranë shtatores së heroit të luftës së UÇK-së, Zahir Pajaziti, me rastin e 28 vjetorit të rënies së tij dhe dy heronjve të tjerë Hakif Zejnullahu dhe Edmond Hoxha.
Osmani kujtoi sakrificën, trimërinë dhe guximin e heronjve të Kosovës, Zahir Pajaziti, Hakif Zejnullahu dhe Edmond Hoxha, derisa u shpreh se “ata u bënë lajmëtarët e lirisë dhe inspiruan breza të tëra të UÇK-së t’i bashkohen luftës çlirimtare”.
“Sot së bashku me të gjithë qytetarët e Republikës së Kosovës sovrane, të lirë e të pavarur kujtojmë sakrificën e jashtëzakonshme, trimërinë dhe guximin e heroit të Kosovës, Zahir Pajaziti, i cili me bashkëluftëtarët Hakif Zejnullahu, Edmond Hoxha u bënë lajmëtarët e lirisë tonë, të cilët dhanë jetën jo vetëm për lirinë e Kosovës, por në të njëjtën kohë inspiruan dhe breza të tërë të UÇK-së t’i bashkohen luftës tonë çlirimtare.
Të luftojnë për Kosovën, për popullin e saj, për lirinë e kësaj toke deri në çlirim përfundimtar i cili erdhi në qershor 1999. Ideali për të cilin luftoi Zahir Pajaziti me shokë duhet të na shërbejë sidomos ne ditët e sotme, sepse liria e sovraniteti nuk janë të mirëqena. Ato vazhdimisht duhet të mbrohen e të mirëmbahen”, tha Osmani. (A2 Televizion)
A2 CNN Livestream
MUND TE LEXONI GJITHASHTU
