Presidentja e Kosovës, Vjosa Osmani, zhvilloi një takim me ministrin hungarez për çështjet e Bashkimit Europian, Janos Boka.
Ata diskutuan për situatën aktuale politike dhe të sigurisë, gjithashtu edhe forcimin e marrëdhënieve dypalëshe.
Presidenca e Kosovës njofton se zonja Osmani kërkoi mbështetje për avancimin e aplikimit për statusin e vendit kandidat për në BE dhe heqjen e masave të vendosura pa të drejtë.
“Presidentja Osmani theksoi nevojën e qëndrimit unik të bashkësisë ndërkombëtare në mënyrë që të shmanget përsëritja e sulmeve të tilla terroriste nga bandat kriminale, të cilat mbështeten, trajnohen dhe financohen nga Serbia”, lexohet në njoftimin e presidencës së Kosovës.
Gjatë qëndrimit në Prishtinë, ministri hungarez është pritur nga zëvendëskryeministri Besnik Bislimi, ministrja e jashtme, Donika Gërvalla, dhe kreu i misionit KFOR. (A2 Televizion)
A2 CNN Livestream
MUND TE LEXONI GJITHASHTU
