Referendum për sistemin zgjedhor? Duka: Synojmë të rrëzojmë një padrejtësi

Nga A2 CNN
4 Korrik 2023, 20:54 | Politikë
Referendum për sistemin zgjedhor? Duka: Synojmë të

Agron Duka, Kryetar i Partisë Agrare Ambientaliste, ishte i ftuar mbrëmjen e së martës në Debat nga Alba Alishani në A2 CNN ku u diskutua për fushatën e nisur nga partitë e quajtura të vogla për të ndryshuar sistemin zgjedhor në Shqipëri përmes mbajtjes së një referendumi.

Ai u shpreh se me këtë nismë synohet një sistem i ri zgjedhor dhe rrëzimi i një padrejtësie të nisur nga viti 2008.

“Ne mendojmë se është momenti i duhur për ndryshimin e sistemit zgjedhor. Aktualisht jemi dy vite para zgjedhjeve dhe kemi mundësi të arrijmë një produkt final. Ky sistem zgjedhor është i padrejtë dhe nuk ka konsensus të të gjitha forcave, pasi është bërë vetëm nga dy partitë e mëdha. Ndërsa më pas popullit janë shitur listat e hapura, ndërsa kemi të bëjmë sërish me lista të mbyllura. Populli voton një njeri dhe në parlament shkon një tjetër njeri.

Ne synojmë të rregullojmë gabimin e bërë, të hedhim poshtë një sistem zgjedhor që është i padrejtë”, tha Duka.

A2 CNN Livestream

Dita jonë 2024