Sondazh: Si e vlerësoni terapinë në çift?
  • E kam provuar, e dobishme 25%
  • E padobishme 0%
  • S' e di,nuk e kam provuar 75%

79-vjetori i Çlirimit, krerët e lartë të shtetit homazhe në Varrezat e Dëshmorëve të Kombit

Nga A2 CNN
29 Nëntor 2023, 10:15 | Aktualitet


Në 79-vjetorin e Çlirimit të Shqipërisë, krerët më të lartë të shtetit zhvilluan homazhe në Varrezat e Dëshmorëve të Kombit. Të pranishëm ishte presidenti Bajram Begaj, kryetarja e Kuvendit, Lindita Nikolla, kryeministri Edi Rama, kryebashkiaku Erion Veliaj si edhe zv.ministri i Mbrojtjes, Enkel Joti.

Krerët e shtetit nderuan kujtimin e të rënëve për lirinë e atdheut që sot shënon 79 vite. Ato vendosën kurora me lule pranë Monumentit “Nënë Shqipëri” dhe u përkulën në nderim dhe respekt të jetëve të dhëna për Shqipërinë.

Këtë 29 Nëntor në Shqipëri festohet 79-vjetori i çlirimit të vendit nga pushtimi fashist. Prej 7 prillit të vitit 1939 e deri më 29 nëntor të vitit 1944, Shqipëria ishte e pushtuar nga Italia fashiste, dhe pas kapitullimit të saj, në vjeshtë të vitit 1943, u pushtua nga forcat gjermane.

Në fund të nëntorit 1944, pas Çlirimit të Tiranës, më 17 nëntor dhe pjesës kryesore të Shqipërisë së Veriut, mbetej të çlirohej qyteti i Shkodrës, e cila u çlirua më 29 nëntor të vitit 1944.

A2 CNN Livestream

Debat - nga Alba Alishani