Gjykata e juridiksionit të përgjithshëm të Elbasanit, e cila mbulon 8 bashki të qarkut, përfshirë edhe atë të Lushnjes, po përballet me vështirësi sa i takon përballimit të fluksit të dosjeve, në kushtet kur edhe trupa e gjyqtarëve është e reduktuar. Kjo ngarkesë është reflektuar edhe në numrin e dosjeve që kjo gjykatë është detyruar të mbartë nga viti i kaluar.
Në morinë e dosjeve të mbartura, numri më i madh e zënë çështjet civile. Dhe kjo problematikë nuk ka të bëjë vetëm me ngarkesën e gjyqtarëve, por edhe me cilësinë e vendimeve gjyqësore, duke bërë që nga një çështje civile të lindin ngjarje që kthehen në çështje penale, shkruan A2 CNN.
Kryetari i Dhomës së Avokatëve të Elbasanit, u apelon institucioneve të drejtësisë që të plotësojnë sa më parë gjykatën me numrin e nevojshëm të gjyqtarëve, pasi edhe nëse drejtësia jepet me vonesë, ajo konsiderohet si një e drejtë e mohuar. (A2 Televizion)
A2 CNN Livestream
MUND TE LEXONI GJITHASHTU
