Pas ngritjes së kokës në prill, eksportet shqiptare, por dhe importet iu rikthyen sërish tatëpjetës. 35 mld lekë mallra shqiptare dërguam jashtë vendit ose 5 miliardë lekë më pak se e njëjta periudhë e një viti më parë.
Instituti i Statistikave raporton se janë tekstilet dhe këpucët që po ndikojnë negativisht në ecurinë e eksporteve të produkteve shqiptare në maj, vijuar më tej nga ushqime, pije e duhan por dhe pajisje e prodhime druri.
Por dhe importet nga ana tjetër në vend kanë shënuar rënie në maj. 79 miliardë lekë blemë mallra nga jashtë, 2 miliardë lekë më pak se maj 2023. Teksa turizmi duhet të rriste më tej konsumin, ekspertët e shohin rënien e importeve në mospërputhje me gjendjen aktuale.
Për shkak të rënies së eksporteve dhe importeve muajin e kaluar, u thellua dhe më tej deficiti tregtar i cili u rrit me 8.9% në raport me maj 2023. Ky deficit vijon të jetë më i larti në 3 vitet e fundit. (A2 Televizion)
A2 CNN Livestream
MUND TE LEXONI GJITHASHTU
