Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 6%
  • Kujdesi familjar 83%
  • Ndikimi i shoqërisë 11%

Çelet panairi i turizmit, Kumbaro: 2024, viti i provës së zjarrit, synojmë cilësinë

Nga A2 CNN
31 Janar 2024, 15:35 | Ekonomi

Çelet panairi i turizmit, Kumbaro: 2024, viti i provës së

Promovimi i Shqipërisë në mediat e huaja ka tërhequr vëmendjen e shumë kompanive ndërkombëtare për sezonin e ri veror, ku mbi 30 kompani ndërkombëtare nga shtete si Kroaci, Itali, Angli, Irlandë, Zvicër, Holandë, Portugali, SHBA zbritën në Tiranë.

“Arritja juaj e 10 milionë turistëve është një gjë për të qenë krenar. Ju po rrisni jo vetëm turizmin, por turizmin e duhur. Besojmë se ballkanasit mund të arrijnë jo vetëm në shifra, por dhe në shërbimin e duhur. Ne kemi sjellë në këtë panair 30 kompani nga vende të ndryshme për të rritur bashkëpunimin me bizneset shqiptare”, tha Robert Dee, sipërmarrës ndërkombëtar në fushën e turizmit.

Pjesë në hapjen e panairit ministrja e Turizmit dhe Mjedisit Mirela Kumbaro e konsideroi 2024 si vitin e provës dhe të cilësisë.

“E vetmja gjë që s’duhet të bëjmë të mos vetëkënaqemi sepse sfida jonë fillon këtu. Viti 2024 është prova e zjarrit për turizmin shqiptar. Nuk mjafton veç të krenohemi dhe ky vit do të jetë prova ajo fillon që sesi sillet kamerieri më një turistë që hyn në lokal e deri të mikpritja në hotele etj.”, tha ministrja Kumbaro.

Shoqatat kosovare të turizmit pjesë e panairit i shtrinë dorën Shqipërisë për një rritje të bashkëpunimit dhe promovimit edhe të Kosovës.

Panairi i turizmit, i cili do të zgjasë dy ditë ka në fokus turizmin e qëndrueshëm, teknologjinë në këtë sektor, bashkëpunimin ndërmjet bashkive, por dhe me rajonin.

A2 CNN Livestream

Ditari nga Bruna Çifligu