Sondazh: Preferoni që emri i fëmijës tuaj të jetë:
  • Tradicional 37%
  • Modern 5%
  • I trashëguar 16%
  • Unik 42%

Paga mesatare në vend u rrit në 75 mijë lekë në 2023, ndikoi administrata, më pak sektori privat

Nga Marinela Lina
12 Mars 2024, 15:29 | Ekonomi

Paga mesatare në vend u rrit pothuajse me 10 mijë lekë, krahasuar me një vit më parë. Cka do të thotë se nëse në fund të 2022 një i punësuar paguhej me 66 mijë e 14 lekë, në fund të 2023 paga e tij u rrit me 13.7% duke arritur në 75 mijë e 25 lekë.

Të dhënat e Institutit të Statistikave tregojnë se ishte ndikimi i administratës publike shkaku kryesor në rritjen e pagave në 2023 me 16.2%, rritja më e lartë e ndërsa më pak  ndikuan grup-aktivitetet financiare e të sigurimit.

“Pikërisht për shkak të iniciativës që mori qeveria nuk është kapur nga tregu privat. Nëse kapet atëherë do ndryshojë edhe kjo renditje.”, thotë Pano Soko, ekspert.

Nëse ndalemi sipas sektorëve, diferenca vjetor e pagës mesatare bruto të një të punësuari  në shtet u rrit me 18%. Ndërsa tek sektori privat ky ndikim u reflektua më pak teksa u rritën me 11.5% krahasuar me fundin e 2022. Pabarazia në paga shtet-privat është thelluar në këtë periudhë, me 18 mijë e 464 lekë.

 “Do ketë mospërputhje ritmesh kur vjen puna tek e njëjta gjatësi vale ndërmjet tyre. Sepse privati do të mundohet të rezistojë sa më shumë për të mos rritur kostot.”, vijon Soko.

Por kush paguhet më shumë e kush më pak? Është sektori i aktiviteteve financiare dhe të sigurimit me pagën më të lartë rreth 145 mijë lekëve, ndjekur nga informacioni dhe komunikacioni me 115 mijë lekë, administrata 87 mijë lekë. Ndërsa më pak paguhet bujqësia dhe industria me përkatësisht 49 mijë lekë dhe 64 mijë lekë.

“Është  ekonomia e së tashmes që është e bazuar  në shërbime financiare 1 dhe teknologjia 2. Që në të ardhme shumë të afërt do dali në pah. Kjo është mënyrë e re si bëhet ekonomi sot. Nëse specifikohemi sipas profesioneve janë menaxherët dhe ligjvënësit me pagat më të larta ndërsa profesionet elementare me pagat më të ulëta.”, vijon më tej Pano Soko.

A2 CNN Livestream

A2 Business