Aksident i frikshëm në Tiranë-Durrës, makina bëhet copash pas përplasjes me karburantin

Nga Elitjona Doko
14 Mars 2024, 21:14 | Kronikë

Një aksident i rëndë ka ndodhur mbrëmjen e sotme në autostradën Tiranë-Durrës, pranë Shkoezetit, ku një automjet tip "Mercedes-Benz" është përplasur me një karburant dhe për pasojë janë lënduar katër persona, shoferi dhe tre pasagjerët që udhëtonin me të.

Gjendja e tyre shëndetësore raportohet e rëndë, ndërsa ata janë dërguar për marrjen e ndihmës mjekësore në Spitalin Rajonal të Durrësit.

Dyshohet se shkak i aksidentit ka qenë shpejtësia e lartë e mjetit, pasi pas përplasjes është bërë copë-copë. Policia ndodhet në vendngjarje dhe ka nisur puna për zbardhjen e rrethanave të aksidentit.

“Durrës/Informacion paraprak: Rreth orës 20:15, në autostradën Durrës-Tiranë, shtetasi M. Ç., 30 vjeç, duke drejtuar automjetin ka humbur kontrollin mbi drejtimin e automjetit dhe për pasojë është përplasur me një shtyllë në një karburant. Si pasojë  janë dëmtuar drejtuesi i automjetit shtetasi M. Ç dhe pasagjerët shtetasit K. G, N. V dhe E. V, të cilët ndodhen nën kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të aksidentit.”, thuhet në njoftimin e policisë së Durrësit.

A2 CNN Livestream

Ditari nga Denisa Pasholli