Një aksident rrugor ka ndodhur pasditen e sotme në aksin nacional Pogradec-Qafë Thanë, në afërsi të fshatit Pojskë, raporton A2CNN.
Sipas informacioneve të para, mësohet se në aksident janë përfshirë dy automjete, të cilat janë përplasur fort me njëra-tjetrën. Si pasojë e kësaj përplasjeje, kanë mbetur të lënduar dy persona.
Të plagosurit janë transportuar me urgjencë drejt spitalit të Pogradecit, ku po marrin ndihmën e nevojshme mjekësore. Ndërkohë, ende nuk ka të dhëna zyrtare lidhur me gjendjen e tyre shëndetësore apo identitetin e personave të lënduar.
Në vendngjarje kanë mbërritur menjëherë forcat e policisë rrugore, të cilat kanë nisur hetimet për zbardhjen e plotë të rrethanave dhe shkaqeve të këtij aksidenti. (A2 Televizion)
A2 CNN Livestream
MUND TE LEXONI GJITHASHTU
