Prokuroria e Posaçme kërkon dënimin me 5 vjet burg për ish-sekretarin e përgjithshëm të Ministrisë së Mjedisit, Alqi Bllako, për "korrupsion" të kryer gjatë procedurës së koncesionit të inceneratorit të Tiranës. Bllako po rigjykohet në Gjykatën e Posaçme, në zbatim të një vendimi të Apelit të Posaçëm.
Sipas SPAK, gjatë kohës që ishte sekretar i përgjithshëm i Ministrisë së Mjedisit dyshohet se ka përfituar para në vlerën e rreth 120 mijë euro dhe 7 milion e 520 mijë lekë përmes Vladimir Bezhanit nga shoqëria koncesionare për ndërtimin e inceneratorit.
Bllako i ka propozuar Bezhanit që të ofronte konsulencë juridike për çështjen e inceneratorit të Tiranës para se të bëhej propozimi i pakërkuar në lidhje më këtë çështje, raporton A2 CNN.
Bllako i ka kërkua Klodian Zotos që ta punësojë në atë kohë Bezhanin. Ky i fundit ishte këshilltar i jashtëm i ministrit Koka, edhe pse paguhej nga shoqëria “Integrated Technology Services sh.p.k.”. (A2 Televizion)
A2 CNN Livestream
MUND TE LEXONI GJITHASHTU
