Mori peng dhe kanosi një 35-vjeçar për dhënie pasurie, arrestohet 40-vjeçari i shpallur në kërkim

Nga A2 CNN
12 Shkurt 2025, 11:05 | Kronikë

Mori peng dhe kanosi një 35-vjeçar për dhënie pasurie,

Një 40-vjeçar i cili ishte shpallur në kërkim nga Policia, pasi mori peng dhe kanosi për dhënie pasurie një 35-vjeçari ka përfunduar në prangat e policisë. Në momentin e ndalimit, 40-vjeçari i ka dhënë punonjësve të Policisë, gjeneralitete të rreme.  

Ngjarja ka ndodhur në korrik të vitit 2024, ku 40-vjeçari në bashkëpunim me 7 shtetas të tjerë, i kanë hequr lirinë një 35-vjeçari, dhe e kanë kanosur atë për dhënie pasurie.

Gjatë operacionit, në muajin korrik 2024, u ekzekutua masa e sigurisë "Arrest në burg", për 4 nga këta shtetas, dhe masa e sigurisë "Arrest në shtëpi", për 3 të tjerët.     

DVP Tiranë/Vijon operacioni policor i koduar “The Debt”, kapet 1 shtetas i shpallur në kërkim.      

Në muajin korrik 2024, në bashkëpunim me 7 shtetas të tjerë, i hoqi lirinë një 35-vjeçari, dhe e kanosi atë për dhënie pasurie, vihet në pranga 40-vjeçari.         

Në momentin e ndalimit, 40-vjeçari i ka dhënë punonjësve të Policisë, gjeneralitete të rreme.  

Specialistët e Sektorit për Hetimin e Krimeve të Rënda, në bashkëpunim me shërbimet e Forcës së Posaçme “Shqiponja”, bazuar në informacionet e siguruara nga inteligjenca informative, kanë kapur dhe ndaluar shtetasin F. K., 40 vjeç, banues në Tiranë.      

Ky shtetas ishte shpallur në kërkim pasi Gjykata e Tiranës, në vijim të hetimeve të kryera në kuadër të operacionit “The debt”, i ka caktuar masën e sigurisë “Arrest në burg”, për veprat penale “Heqja e paligjshme e lirisë” dhe “shtrëngimi me anë të kanosjes ose dhunës për dhënie pasurie”, të kryera në bashkëpunim.    

Shtetasi F. K. akuzohet se në muajin korrik të vitit 2024, në bashkëpunim me 7 shtetas të tjerë, i kanë hequr lirinë një 35-vjeçari, dhe e kanë kanosur atë për dhënie pasurie. Gjatë operacionit, në muajin korrik 2024, u ekzekutua masa e sigurisë "Arrest në burg", për 4 nga këta shtetas, dhe masa e sigurisë "Arrest në shtëpi", për 3 të tjerët.     

Materialet procedurale i kaluan Prokurorisë, për veprime të mëtejshme. (A2 Televizion)

A2 CNN Livestream

Latest Videos