Sondazh: Çfarë ju pengon për t'u ushqyer shëndetshëm?
  • Çmimet e larta 73%
  • Mungesa e kohës 18%
  • Mungesë motivimi 9%
  • Lodhja fizike 0%

Në kërkim nga Italia, arrestohet në stacionin e trenit në Gjermani i riu shqiptar

Nga A2 CNN
24 Mars 2024, 16:06 | Kronikë

Në kërkim nga Italia, arrestohet në stacionin e trenit në

Një 32-vjeçar shqiptar, i shpallur në kërkim nga autoritetet italiane, është vënë në pranga nga policia gjermane. Sipas mediave gjermane, mësohet se i riu shqiptar është arrestuar gjatë një kontrolli rutinë, në një stacion treni në Kaldenkirchen.

Gjatë kontrollit të të dhënave të tij si pasagjer, efektivët kanë kuptuar që i shqiptari ishte në kërkim nga autoritetet italiane me një urdhër arresti ndërkombëtar ekstradimi, për krime pronësie. Raportohet se gjatë kontrollit fizik të shqiptarit, oficerët gjetën edhe 20 gramë kokainë në xhepin e xhaketës së tij.

Më pas shqiptari u arrestua në vendngjarje dhe u dërgua në Komisariatin Federal të Policisë Kempen për procedim të mëtejshëm. I akuzuari u procedua për identifikim dhe mbetet në paraburgimin e policisë federale derisa të konsultohet me Prokurorinë Publike të Dyseldorfit për t’u sjellë para Gjykatës së Qarkut Krefeld.

A2 CNN Livestream

Ditari nga Erion Dushi