Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 10%
  • Kujdesi familjar 80%
  • Ndikimi i shoqërisë 10%

Pezullohen nga puna 4 policë në Kapshticë, arrestohet një 32-vjeçar

Nga A2 CNN
21 Janar 2024, 09:51 | Kronikë

Pezullohen nga puna 4 policë në Kapshticë, arrestohet një

Katër punonjës të policisë së Kapshticës janë pezulluar nga detyra me akuzën e shpërdorimit të detyrës, ndërsa në pranga ka rënë një 32-vjeçar për trafikim të mjeteve motorike. Policia e Korçës njofton se  32-vjeçari ka trafikuar në Shqipëri automjete që rezultojnë të vjedhura në Greqi, duke iu bërë ndryshime në elementët identifikuese për t’i pajisur më pas me dokumente false, me qëllim shitjen në vendin tonë.

Po kështu është arritur të dokumentohet me prova e fakte ligjore se punonjësit e Policisë, në kundërshtim me ligjin, si edhe në shkelje të procedurave, nuk kanë kryer verifikime mbi dokumentacionet e mjeteve, mungesat e prokurave apo autorizimet që duhet të dispononte 32-vjeçari në momentin e futjes së këtyre mjeteve në territorin shqiptar.

Në cilësinë e provës materiale u sekuestruan 6 automjete të dyshuara të vjedhura, me vlerë 130 000 euro.

Njoftimi i Policisë Korçë

Agjencia e Mbikëqyrjes Policore (Rajoni Elbasan-Korçë) ka ekzekutuar urdhrin e Prokurorisë për ekzekutimin e vendimit të Giykatës së Shkallës së Parë të Juridiksionit të Përgiithshëm Korçë, e cila ka vendosur masën e sigurisë "Arrest në burg" për shtetasin M.C., 32 vjeç, si i dyshuar për kryerjen e veprës penale "Trafikimi i mjeteve motorike".

AMP ekzekutoi gjithashtu vendimin e Gjykatës, për masën e sigurisë "Pezullimi i ushtrimit të një detyre a shërbimi publik", si persona të dyshuar për kryerjen e veprës penale "Shpërdorimi i detyrës" ndaj 4 punonjësve të policisë:

- Inspektor M.M., 32 vjeç, me detyrë punonjës policie pranë PKK Kapshticë;

- Inspektor S.L., 56 vjeç, me detyrë punonjës policie pranë PKK Kapshticë;

- Inspektor E.M., 35 vjeç, me detyrë punonjës policie pranë PKK Kapshticë;

- Nënkomisar M.A., 28 vjeç, me detyrë Specialist për hetimin e krimeve në Komisariatin e Policisë Korçë.

Nga hetimet e kryera nga AMP me metoda proaktive në lidhje me këtë procedim penal, ka rezultuar se shtetasi M.C. ka trafikuar në Shqipëri automjete që rezultojnë të vjedhura në Greqi, duke iu bërë ndryshime në elementët identifikuese për t’i pajisur më pas me dokumente false, me qëllim shitjen në vendin tonë. Po kështu është arritur të dokumentohet me prova e fakte ligjore se punonjësit e Policisë, në shpërdorim të detyrës dhe në kundërshtim me aktet ligjore dhe nënligjore në fuqi, si edhe në shkelje të Procedurave Standarde të Punës, nuk kanë kryer verifikime mbi dokumentacionet e mjeteve, mungesat e prokurave apo autorizimet që duhet të dispononte shtetasi M.C. në momentin e futjes së këtyre mjeteve në territorin shqiptar.

Në cilësinë e provës materiale u sekuestruan 6 automjete të dyshuara të vjedhura, me vlerë 130 000 euro.

Materialet proceduriale i kaluan Prokurorisë Pranë Gjykatës së Shkallës së Parë të Juridiksionit të Përgjithshëm Korçë për veprime të mëtejshme.

Hetimet vijojnë për përfshirje të shtetasve apo punonjësve të tjerë të policisë në këtë veprimtari kriminale.

A2 CNN Livestream

Ditari nga Bruna Çifligu