Sondazh: Çfarë ju pengon për t'u ushqyer shëndetshëm?
  • Çmimet e larta 89%
  • Mungesa e kohës 0%
  • Mungesë motivimi 11%
  • Lodhja fizike 0%

Politika dhe media, pushteti dhe përgjegjësia për ngritjen e partive populiste

Nga Luela Myftari
2 Prill 2024, 23:37 | Kulturë

Profesori Jean-Michel de Waele, nga Universiteti i Brukselit, ka mbërritur në auditorët e Fakultetit të Gazetarisë për të ndarë me të rinjtë dhe një publik të zgjedhur mendime mbi përgjegjësinë që kanë apo duhet të kenë mediet në ngritjen e partive populiste në Europë. 

“Mua më duket se faza që ne po jetojmë në Europë është që një botë e vjetër, një botë e re është duke u krijuar dhe ne jemi një në mes një bote me energji të reja ku shumëçka nuk është stabilizuar. Prodhon shumë fantazma, ankthe, populizëm, pasiguri, tranzicion”, tha Waele.

Sipas profesorit, jo pak ndikon sot edhe media online, portalet dhe faqet zyrtare apo të të komunikimit me publikun, duke rrezikuar kështu edhe në lidhje me lajmin e rremë ose atë që njohim si “fake news”: “Çështja e informimit të qytetarit në ditët e sotme është disi më e komplikuar. Sepse dikur në rend të parë për informimin kanë qenë mediat e shkruara, pra shtypi i shkruar, disa prej të cilave kanë mbijetuar edhe sot. Nuk mund të them që informacioni ishte apo jo  gjithmonë objektiv, por dikur informacioni verifikohej dhe kontrollohej nga disa persona. Sot jemi në kushtet kur 5, 7 apo 10 veta mund të kenë median e tyre dhe aty vendosin vetë çfarë do të publikojnë dhe jo sipas interesave. Sigurisht kjo e ka kthyer debatin në një çështje me shumë pikëpyetje. Brenda 10-15 vjetësh kemi kaluar nga një pikëpamje utopiste kemi dyshime të tjera, ndonjëherë edhe katastrofike”.

Profesori i komunikimit Artan Fuga vlerësoi mundësinë e auditorëve të tillë për studentët shqiptarë, duke na lënë të nënkuptuar edhe përmes këtij takimi me kolegun e tij se pushteti vjen bashkë me përgjegjësitë në media.

 

A2 CNN Livestream

Ditari nga Denisa Pasholli