Sondazh: Cilat janë aktivitetet tuaja gjatë fundjavës?
  • Sport 13%
  • Me miqtë dhe familjen 53%
  • Rri në shtëpi 33%

Bardhi i përgjigjet Ramës: Nuk po e fsheh më rolin e tij si president

Nga A2 CNN
18 Janar 2024, 18:39 | Politikë

Bardhi i përgjigjet Ramës: Nuk po e fsheh më rolin e tij si

Kreu i grupit të Partisë Demokratike, Gazment Bardhi tha se reagimi i Edi Ramës pas dekretimit të ligjit për Komisionet Hetimore e tregoi fare qartë se ai është presidenti i vendit dhe se Bajram Begaj është nën urdhrat e tij. Në reagim e bërë në rrjetet sociale, Bardhi i përgjigjet në të njëjtën gjuhë kreu të qeverisë.

Teksa ky i fundit tha se koha kur Shqipëria ishte me të shkuarën ka ikur, e ndërsa Bardhi thotë se koha kur  Shqipëria pretendonte të ishte si gjithë Europa, po perëndon gjatë qeverisjes së Ramës.

“E kuptojmë plotësisht që Edi Rama nuk e fsheh më rolin e tij, edhe si president i Republikës! Ai na tregon çfarë mund dhe çfarë nuk mund të bëjë presidenti i Republikës.

Avokatia ndaj aktit antikushtetues, të njëanshëm dhe të turpshëm të presidentit të Republikës, provon atë që opozita thotë: Edi Rama është urdhëruesi i shpalljes së ligjit sot, me justifikimin absurd të shkruar në arsyetimin e Presidentit që Edi Rama nuk dëshiron të rishohë ligjin.  Edhe që Edi Rama nuk dëshiron të rishikohet ligji, e kuptojmë, sepse është ai që ka bllokuar kontrollin parlamentar ndaj ekzekutivit.

Si mund të jetë dakord Edi Rama që të kontrollohet ndërhyrja e paligjshme në sistemin TIMS, për të fshirë lidhjet e vllait të tij, Olsi Rama, me trafikun e drogës në dosjen “Xibraka”; si mund të jetë dakord Edi Rama të kontrollohet që, në kontratat koncesionare të shëndetesisë, miliona euro shkojnë në xhepat e Ilir Beqajt dhe jo për shërbime shëndetësore për qytetarët shqiptarë; si mund të jetë dakord Edi Rama të kontrollohet zbatimi i ligjit për investimet strategjike, me të cilin ka shpallur investitor vetëm miq e shokë të tij, përfshirë trafikantë droge e urdhërues vrasjesh?!

Koha kur Shqipëria pretendonte të ishte si gjithë Europa, po perëndon gjatë qeverisjes së Edi Ramës. Tani jemi në garë nëse do t’u bashkohemi standardeve të Rusisë apo Koresë së Veriut. Opozita po bën betejë që kjo të mos ndodhë dhe jemi të vendosur për t’u përballur, që të mos lejojmë ta zëvendësojmë demokracinë me autokracinë”, shkruan Bardhi.

A2 CNN Livestream

Debat - nga Alba Alishani