Emigracioni i paligjshëm, reforma në drejtësi dhe lufta kundër korrupsionit kanë qenë në foksu të takimit të kryeministrit Edi Rama me ambasadorin britanik në Tiranë, Alastair King-Smith.
Në njoftimin e shpërndarë nga ambasada britanike në Tiranë vihet theksi te partneriteti dhe mbështetja e Mbretërisë së Bashkuar për Reformën e Drejtësisë dhe përpjekjet kundër korrupsionit, duke përfshirë Policinë e Shtetit Shqiptar.
Në takim është folur edhe për zgjerimin e partneritetit tregtar, si edhe në fushën e Mbrojtjes.
Njoftimi i ambasadës britanike
Ambasadori britanik në Tiranë, Alastair King-Smith takua sot me Kryeministrin e Shqipërisë Edi Rama për të theksuar partneritetin e palëkundur mes Shqipërisë dhe Mbretërisë së Bashkuar, duke përfshirë emigracionin e paligjshëm, ku Shqipëria mbetet një prej partnerëve tanë më të rëndësishëm në rang ndërkombëtar.
Ata diskutuan mbështetjen e re të Mbretërisë së Bashkuar për Reformën e Drejtësisë dhe përpjekjet kundër korrupsionit, duke përfshirë Policinë e Shtetit Shqiptar.
Ata ranë gjithashtu dakord të vlerësojnë zgjerimin e partneritetit tregtar, si edhe në fushën e Mbrojtjes. (A2 Televizion)
A2 CNN Livestream
MUND TE LEXONI GJITHASHTU
