Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 11%
  • Kujdesi familjar 84%
  • Ndikimi i shoqërisë 5%

Berisha me dy gishta në dritare, mbështetësit mblidhen poshtë shtëpisë së ish-kryeministrit

Nga Indrit Maraku
2 Janar 2024, 12:06 | Politikë

Një grup mbështetësish u mblodh paraditen e të martës poshtë banesës së Sali Berishës, në shenjë solidariteti me ish-kryeministrin, që ndodhet në arrest shtëpie që prej 30Dhjetorit.

Me thirrjet “poshtë diktatura” dhe “liri demokraci”, ata protestuan kundër kufizimit të lirisë së kreut të Rithemelimit, i cili e ka konsideruar të motivuar politikisht vendimin e gjykatës ndaj tij.

Berisha përshëndeti mbështetësit e mbledhur poshtë banesës së tij, duke u shfaqur në dritare me dy gishtat lart. Demokratët zbriti t’i përshëndeste edhe e bija e Sali Berishës, Argita Malltezi, që i falënderoi për mbështetjen e shprehur gjatë këtyre ditëve.

Prangat nuk e burgosin dot lirinë. Të nisësh Vitin e Ri me një sfidë të tillë është e vështirë, por gjithashtu shumë motivuese. Asnjë diktator nuk i përballet dot shpirtit tuaj të lirë. Nuk ka pranga sistemi që mund të burgosin lirinë tuaj dhe ju jeni misionarët e kësaj lufte që nga kjo rrugicë do të shtrihet në të gjithë rrugët e Tiranës”.

Argita Malltezi rinovoi thirrjen për qëndresë, me bindjen se sakrificat e demokratëve do të shpërblehen.

Pas këtij mesazhi ajo takoi personalisht disa prej qytetarëve që ishin prezent, teksa i ati nga dritarja valëviste flamurin e Partisë Demokratike.

Nga strukturat e partisë dhe deputetët erdhi përgjigje pozitive ndaj thirrjes për të vijuar betejën. Pavarësisht se i izoluar në arrest shtëpie që prej 30 dhjetorit, Sali Berisha ka deklaruar se do të vijojë ta drejtojë vetë partinë, duke refuzuar të delegojë kompetencat.

 

A2 CNN Livestream

Ditari nga Erion Dushi