Sondazh: A kujdeseni për datat e skadencës së produkteve ushqimore?
  • Gjithmonë 69%
  • Rrallë 19%
  • Asnjëherë 13%

Prioritetet për 2024, Rama mbledh ministra, drejtues politikë e drejtorë në Lezhë

Nga A2 CNN
9 Janar 2024, 09:31 | Politikë

Prioritetet për 2024, Rama mbledh ministra, drejtues politikë e

Kryeministri Edi Rama mbledh, ditën e sotme, qeverinë për të përcaktuar prioritetet e punës për vitin 2024. Takimi do të mbahet në Lezhë, Shëngjin, aty ku pritet që të ngrihet edhe qendra për pritjen e emigrantëve, pas marrëveshjes së bërë me Italinë, nëse “Kushtetuesja” do të japë “ok”. 

Të pranishëm do të jenë ministra, drejtues politikë, kryetarja e Kuvendit, kryetarët e komisioneve të Kuvendit, por edhe drejtorë të drejtorive më të mëdha në vend.

Deri më tani, nuk flitet për ndryshime në kabinetin qeveritar, e ndërsa jo më pak se dje kryeministri surprizoi duke krijuar ministrinë e re, atë të Ekonomisë, Kulturës dhe Inovacionit, e cila do të bashkojë në një të vetme pjesët që aktualisht funksionojnë të ndara në ministritë respektive të Financave dhe Ekonomisë e të Kulturës. Në krye të kësaj ministrie, do të jetë Blendi Gonxhe.

Takimi do të zgjasë dy ditë.

A2 CNN Livestream

Dita jonë