Vetë nuk ishte i pranishëm, Meta: Protestë madhështore nën udhëheqjen e opozitës së bashkuar

Ndonëse nuk ishte i pranishëm, kreu i Partisë së Lirisë e ka shprehur mbështetjen e tij për protestën e sotme të opozitës përmes një postimi në mediat e tij sociale.

Ilir Meta e cilëson protestën e 20 shkurtit si madhështore dhe si një “manifestim i jashtëzakonshëm demokracie.”

Meta flet për një opozitë të vërtetë dhe të bashkuar që u riktheu sot qytetarëve  shpresën dhe që sot nisi një betejë pa kthim, siç shprehet ai, për shpëtimin e Shqipërisë.

Për mikrofonin e A2 CNN, nënkryetari i Partisë së Lirisë, Endrit Ibrahimllari deklaroi se kreu i partisë dhe bashkëshortja e tij Monika Kryemadhi, nuk mund të ishin të pranishëm në protestë për shkak të disa angazhimeve të tjera. 

Megjithatë, ai theksoi se drejtues të tjerë të PL-së ndodheshin në bulevard.   (A2 Televizion)