Sondazh: A kujdeseni për datat e skadencës së produkteve ushqimore?
  • Gjithmonë 69%
  • Rrallë 19%
  • Asnjëherë 13%

Xhaferri në A2 CNN: Në 2025, s’ka zgjedhje me Ramën kryeministër

Nga A2 CNN
8 Janar 2024, 13:36 | Politikë

Xhaferri në A2 CNN: Në 2025, s’ka zgjedhje me Ramën

Me Sali Berishën nën arrest shtëpie, opozita tashmë ka një fokus të aksionit të saj opozitar, që nuk ka zgjedhje parlamentare me Edi Ramën. Kjo është një deklaratë dhe një retorikë e përdorur nga opozita prej kohësh, por sipas kreut të Forumit Rinor të Partisë Demokratike, Besart Xhaferri, këtë vit “kjo do jetë lufta e PD-së”.

“Do luftojmë që zgjedhjet e 2025 të mos jenë me Ramën kryeministër, të mos jetë në asnjë mënyrë menaxher i këtyre zgjedhjeve”, tha Xhaferri.

Në “Ditarin e mesditës” me gazetaren Denisa Pasholli u ndal edhe te protesta që po zhvillohet në rrugicën e banesës së Sali Berishës. Xhaferri ka zbuluar në A2 CNN se si lindi kjo ide.

“Nisi si një ide e kërkuar nga baza që duan të solidarizohen çdo ditë dhe të japin mesazhe politike në atë rrugicë rezistente, ndërkohë Berisha tregoi se sado ta izolosh, jeta e tij politike do të vazhdojë”, tha Xhaferri.

Ai zbuloi edhe se sa kohë do të vijojë kjo protestë dhe kjo mënyrë e të bërit opozitë.

“Do vazhdojë për aq gjatë se Berisha do të qëndrojë pa të drejtë i izoluar, ajo masë do bjerë shumë shpejtë se është absurde, nuk ka një akuzë, por ka një masë sigurie. Jam i lumtur që qytetarët po reagojnë, se sa do zgjasë do zgjasë për aq kohë sa qytetarët do rrinë aty, jam i bindur që do shtohen dhe padyshim aksioni do mund të marrë dhe rrjedha të tjera”, shtoi ai.

Një koment e ka pasur edhe për Bashën, sipas së cilit është pjesë e regjimit të Edi Ramës, siç ai e quan qeverinë socialiste.

“Bashën nuk e shoh aspak në këtë jetë politike, është pjesë e mozaikut të pushtetit dhe regjimit të Ramës. Këtë duhet të luftojmë, regjimin e Ramës”, deklaroi Xhaferri në A2 CNN.

Për Xhaferrin, PD-ja është e bashkuar, por ndarja po jepet si një skenar i dirigjuar nga Edi Rama.

A2 CNN Livestream

Dita jonë