Sondazh: Sipas jush, brezi më i lumtur është:
  • X (1960-1980) 33%
  • Millenials (1981-1996) 56%
  • Z (1997-2011) 11%
  • Alpha (2012-2025) 0%

Nis trajnimi i mësuesve, 16 mijë arsimtarë do t'i nënshtrohen procesit të detyruar

Nga Ornela Joti
27 Mars 2024, 15:33 | Sociale

Katër mijë mësues të arsimit fillor, të gjuhës shqipe, të shkencave ekzakte dhe kompjuterike kanë nisur trajnimin nga universitetet publike. 130 pedagogë të fakulteteve mësuesisë janë përfshirë në trajnimin e detyruar të arsimtarëve.

Specialistë të ministrisë së arsimit thonë se ky proces nis intensivisht fundjavën e parë të muajit prill dhe fillimisht me mësuesit më të rinj.

Por çfarë pritet të ndryshojë tek mësuesit pas 12 orësh trajnim nga ish pedagogët e tyre?

Pas çdo faze trajnimi mësuesit do të vlerësohen për njohuritë e marra por rezultatet e testimit nuk do të jenë penalizuese ndaj tyre.

Projekti për trajnimin e arsimtarëve  do të zgjasë dy vjet. Ai financohet nga ministria e arsimit dhe do të përfshijë në këtë proces të detyruar 16 mijë mësues nga i gjithë vendi.

A2 CNN Livestream

Debat - nga Alba Alishani