Bologna "ul me këmbë në tokë" Romën, e mposht në “Olimpico”

Nga A2 CNN
22 Prill 2024, 22:02 | Futboll

Bologna "ul me këmbë në tokë" Romën, e mposht

Bologna vijon të dhurojë paraqitje të mrekullueshme në Serie A këtë sezon dhe e fundit ka qenë Roma që ka provuar forcën e skuadrës së Motta-s, e cila doli e mposhtur 3-1 nga "Olimpico". 

Verdhekurqtë e drejtuar nga trajneri i ri Daniele De Rossi vinin në këtë takim pas kualifikimit të bujshëm në gjysmëfinale të Europa League pasi mundën edhe në ndeshjen e dytë Milanin dhe këtë e bënë edhe më një lojtar më pak.

Megjithatë, kryeqytetatasit ishin një skuadër krejtësisht tjetër ndaj Bologna-s, e cila dominoi të gjithë ndeshjen dhe thuajse nuk e vuri në diskutim asnjëherë fitore.

Goli i parë ishte spektakolar. Ai u realizua me roveshatë nga marokeni Oussama El Azzouzi, ndërsa i dyti u shënua nga talenti holandez Zirkzee. Roma reagoi me anë të Sardar Azmoun në minutën e 56, ndërsa Saelemaekers e vulusoi rezultatin në 1-3 pas 10 minutash.

Me këtë fitore, Bologna blindon vendin e katërt që të çon sezonin e ardhshëm në Champions League me 62 pikë, ndërsa Roma mban vendin e pestë me 55 pikë, një më shumë se Atalanta.

 

A2 CNN Livestream

Ditari nga Erion Dushi