Sondazh: A keni pasur raste të abuzimit me të dhënat tuaja personale?
  • Asnjëherë 10%
  • Shpesh 60%
  • Nuk jam në dijeni 30%

Copa Libertadores, Fluminense mposht Boca Junior, fiton për herë të parë trofeun 

Nga A2 CNN
5 Nëntor 2023, 11:28 | Futboll

Copa Libertadores, Fluminense mposht Boca Junior, fiton për herë

Fluminense është fituese e Copa Libertadores. Brazilianët mposhtën 2-1 në finale Boca Juniors në një sfidë që dhuroi gjithçka, emocione, spektakël, grintë dhe ritëm për 120 minuta.

Në stadiumin “Maracanà” të Rio de Janeiro, rezultati u zhbllokua nga Cano në minutëne e 36'. Ishte argjentinasi dhe lideri i brazilianëve në këtë kompeticion me 13 gola, ai që realizoi saktë dhe dërgoi topin në rrjetë.

Megjithatë pavarësisht rasteve dhe presionit të vazhdueshëm nga të dyja skuadrat, pjesa e parë përfundoi me rezultatin 1-0.

Me fillimin e të dytës, Boca Junior u mundua të reagonte dhe kundërpërgjigja erdhi nga mbrojtësi i djathtë Luis Advinkula që vendosi baraspeshën. Një gol që dërgoi në shtesë ndeshjen për të përcaktuar aty fituesin.

Në minutën e 99′, Fluminense rimori avantazhin përmes John Kennedy, që kombinoi me Keno dhe mposhti portierin Romero. Por festimi i tij “zhytur” në turmën e “Maracana” u pasua me të verdhën e dytë dhe përjashtimin.

Marrëzi pati dhe nga Fabra, që goditi Nino me shuplakë dhe doli nga fusha në minutën e 112′. Mes presionit të vazhdueshëm, dhe tensioneve nga të dyja skuadrat, deri në fund rezultati nuk ndryshoi.

Fluminensë bën për vete për herë të parë në histori trofeun e Libertadores ndërsa ekipet braziliane nuk ndalen në këtë kompeticion. Brazili vazhdon të dominojë Kupën me pesë suksese radhazi, gjashtë në shtatë vitet e fundit. 

Debat - nga Alba Alishani