Sondazh: Sa prezent është aktiviteti fizik në përditshmërinë tuaj?
  • Çdo ditë 46%
  • Tre herë në javë 18%
  • Vetëm në fundjavë 4%
  • Asnjëherë 32%

Girona vazhdon të besojë te titulli kampion

Nga A2 CNN
4 Janar 2024, 08:26 | Futboll

Girona vazhdon të besojë te titulli kampion

Girona vijon të befasojë në kampionatin spanjoll. Ekipi i drejtuar nga Michel fitoi me rezultatin 4-3 në një ndeshje spektakolare përballë Atletico Madrid.

Takimi nisi shumë mirë për vendasit, të cilët shënuan që në minutën e dytë. Por, avantazhi nuk zgjati shumë, pasi Morata barazoi rezultatin për ekipin e Simeones.

Pjesa e parë rezervoi edhe të tjera emocione. Dy gola të shpejtë nga Girona u duk se e mbyllën ndeshjen, por Atletico reagoi përsëri me Morata, duke shkurtuar diferencën.

Në pjesën e dytë ishte përsëri Atletico që dominoi dhe barazoi rezultatin në 3-3, sërish me Alvaro Morata. Kur dukej se takimi do përfundonte në barazim, Girona shënoi edhe golin e katërt me Martin, duke marrë tre pikë dhe duke vijuar të kryesojë kampionatin, së bashku me Real Madrid.

A2 CNN Livestream

Ditari nga Erion Dushi