Italia gjen sulmuesin e shumëkërkuar para Europianit

Nga Erald Kodhelaj
22 Mars 2024, 11:23 | Futboll

Italia gjen sulmuesin e shumëkërkuar para Europianit

Italia fitoi 2-1 ndaj Venezuelës në miqësoren e parë që të kaltrit zhvilluan në Shtetet e Bashkuara të Amerikës.

90 minuta rezultuan të luftuara dhe me ritëm të lartë, por në fund italianëve iu mjaftoi një dopietë e Retegui për të fituar këtë takim. Pjesa e parë përfundoi me rezultatin 1-1. Që në minutën e tretë, Venezuela kishte shansin e artë nga penalltia, por Rondon u ndal nga portieri Donnarumma.

Ndeshja u zhbllokua në minutën e 40-të, kur Retegui pas asistit të bukur nga Kambiaso gjeti rrjetën. Avantazhi i italianëve zgjati vetëm 3 minuta, pasi Maçis vendosi baraspeshën në minutën e 43-të.

Edhe pjesën e dytë, Italia e kërkoi shumë golin, por e gjeti atë në minutën e 81-të me protagonist sërish Meteo Reteguin. Sinjale të mira këto dhe për teknikun Spalletti në prag të Euro2024 ku Italia do të përballet në grup me Shqipërinë, Kroacinë dhe Spanjën.

A2 CNN Livestream

Dita jonë