Përgatitjet e festimeve, Inter-Torino të dielën në drekë, më pas paradë me autobus

Nga A2 CNN
24 Prill 2024, 16:55 | Futboll

Përgatitjet e festimeve, Inter-Torino të dielën në

Pas vendimit për ta shtyrë në fundjavë paradën me autobus të hapur, për shkak të kushteve atmosferike, Interi i kërkoi Ligës italiane të futbollit të ndryshonte edhe ditën dhe orën e ndeshjes me Torinon.

Sfida e parashikuar të luhej të shtunën në 15:00, tashmë do të zhvillohet të dielën në orën 12:30. Në përfundim të lojës, skuadra do të zhvillojë paradën me autobus në rrugët e Milanos, për të festuar së bashku me tifozët fitimin e titullit të 20-të kampion në Serie A.

Edhe pse detajet e festimeve dhe itinerari mbeten ende për t’u përcaktuar, e sigurt është që ekipi do të niset nga stadiumi për të mbërritur në Duomo.

Festimet e yllit të dytë të vendosur në fanellë do të mbyllen në ndeshjen e fundit të Interit në shtëpi kundër Lacios, më 19 maj, aty ku do të dorëzohet edhe trofeu i kampionëve të Italisë.

A2 CNN Livestream

Ditari nga Denisa Pasholli