Rei Manaj i pandalshëm në kampionatin turk, shënon supergol me goditje dënimi

Rei Manaj vazhdon të shënojë me një rregullsi të admirueshme në kampionatin turk dhe me golat e tij është kthyer në idhullin e tifozëve të Sivaspor.

Sulmuesi i Kombëtares shqiptare sot ka shënuar golin e tij të 12 në këtë edicion, duke i dhënë një mesazh të qartë trajnerit Sylvinho se po kalon një formë jashtëzakonisht të mirë.

Goli i sotëm në ndeshjen ndaj RIzespor ishte spektakolar. Në minutën e 29 të ndeshjes, Manaj mori përsipër të ekzekutonte një goditje dënimi nga një distancë prej më shumë se 20 metrash.

Goditja e sulmuesit ishte e jashtëzakonshme duke u ndalur poshtë trekëndëshit të portës, për t’i dhënë avantazhin skuadrës së tij dhe për të ndezur edhe më shumë entuziazmin në tribunat e stadiumit ku brenda pak muajsh është kthyer në idhull për tifozerinë vendase.