Vdekja e futbollistit, shtyhen të gjitha ndeshjet në futbollin shqiptar

Nga A2 CNN
11 Nëntor 2023, 15:34 | Futboll

Vdekja e futbollistit, shtyhen të gjitha ndeshjet në futbollin

Federata Shqiptare e Futbollit ka vendosur të shtyjë të gjitha ndeshjet e kësaj jave në Superiore, por edhe në ligat më të ulëta, pas ngjarjes tragjike që ndodhi në stadiumin e Rrogozhinës, ku futbollisti i Egnatias, Rafael Dwamena, ndërroi jetë pas një sulmi në zemër.

28-vjeçari ra pa ndjenja në fushën e lojës në ndeshjen Egnatia-Partizani pas problemeve në zemër. Mjekët i dhanë ndihmën e parë në fushën e lojës, ndërsa më pas u dërgua menjëherë me ambulancë në spital.

28-vjeçari nga Gana ishte diagnostikuar me probleme në zemër në vitin 2021 dhe mjekët e kishin këshilluar që të mos luante më futboll. Megjithatë, sezonin e kaluar, ai u bë pjesë e Egnatias së Rrogozhinës, ku ishte një nga sulmuesit më të mirë të kampionatit shqiptar.

A2 CNN Livestream

Ditari nga Bruna Çifligu