Aksident horror në pistën e Vegasit, Lando Norris dërgohet me urgjencë në spital

Nga A2 CNN
19 Nëntor 2023, 11:50 | Sporte të tjera

Aksident horror në pistën e Vegasit, Lando Norris dërgohet me

Ylli i Formula 1, Lando Norris ka qenë protagonist i një aksidenti horror në garën e parë në pistën e Las Vegasit.

Piloti britanik i McLaren humbi kontrollin e makinës së tij në xhiron e tretë teksa po lëvizte me shpejtësi 290 kmh.

Ai përfundimisht ndaloi në kthesën 12 pasi ngadalësoi deri në 112 kmh dhe u përplas me barrierat anësore.

Forca e përplasjes ishte aq e madhe sa bëri që kamerat televizive të dridheshin.

Norris menjëherë njoftoi ekipin në radio se ishte mirë përpara se të largohej nga makina. Por pavarësisht kësaj, 24-vjeçari u transportua në Qendrën Mjekësore Universitare të Vegasit për ekzaminime të mëtejshme.

McLaren më vonë konfirmoi se Norris ishte liruar nga spitali pa lëndime të rënda.

A2 CNN Livestream

Ditari nga Erion Dushi