Universiteti Politeknik i Tiranës, i katërti që miraton rritjen 8% të pagës së pedagogëve

Nga A2 CNN
1 Nëntor 2022, 18:17 | Aktualitet
Universiteti Politeknik i Tiranës, i katërti që miraton rritjen

Edhe Universiteti Politeknik i Tiranës ka miratuar rritjen prej 8% të pagës së pedagogëve, krahas rritjes 7% të bërë nga qeveria.

Rektori i këtij universiteti Andrea Maliqari përmes vendimit të firmosur sqaron se kjo rritje do të mbulohet nga të ardhurat e Universitetit.

“Senati Akademik i Universitetit Politeknik të Tiranës, bazuar në Vendimin e Këshillit të Ministrave nr. 647, vendosi për dhënien e mendimit për bordin e administrimit të universitetit, për miratimin e rritjes së nivelit të pagave për personelin akademik në kufirin maksimal që përcakton VKM-ja, pra 8%”, thuhet në vendim.

Tani në total rritja për pedagogët arrin në 15%.

Universitetit Politeknik i Tiranës, bëhet kështu universiteti i katërt që miraton rritjen e pagave prej 8% për pedagogët pas atij të Mjekësisë, Tiranës dhe Sporteve.

Ndërkohë sindikata e pedagogëve mbetet e vendosur për të nisur grevën e urisë, duke i lënë afat qeverisë deri të mërkurën në orën 16:00 për të ndryshuar qëndrimin e saj.

Sipas Sandër Kovaçit, kreut të Sindikatës së Punonjësve Universitarë, rritja e pagave me 8% nga buxheti i vetë universiteteve, nuk është i mjaftueshëm. (A2 Televizion)

A2 CNN Livestream

Latest Videos