Me Paulo Dybala të frymëzuar në fushë, Roma mposhti 2-0 Frosinone, në javën e shtatë të Serie A. Ylli argjentinas dha dy asist për Lukaku e Pellegrini, që i dhanë tri pikët skuadrës së Jose Mourinho.
Roma zhbllokoi rezultatin në të 22-ën, me Lukakun, që mposhti Turatin dhe e dërgoi topin në rrjetë. Vetëm krenaria e miqve nuk mjaftoi, sepse shtatë minuta përpara fundit të lojës, Pellegrini vulosi suksesin e dytë të verdhekuqve në kampionat.
Ajo që ishte cilësuar si sfida më e madhe e javës, ndërmjet Atalantës dhe Juventusit, përfundoi në barazim 0-0. Edhe pse loja ishte intensive, rastet për shënim numëroheshin me gishtat e dorës.
Momenti më i rëndësishëm i ndeshjes ishte traversa e goditur nga Muriel, me devijimin vendimtar të portierit Szczesny.
Me këtë barazim, Juventusi shkëputet me 4 pikë nga Interi dhe Milani, teksa barazon Napolin në renditje.
Edhe Atalanta ia del të qëndrojë pranë skuadrave që garojnë për një vend në Champions.
MUND TE LEXONI GJITHASHTU
