Sondazh: Sa prezent është aktiviteti fizik në përditshmërinë tuaj?
  • Çdo ditë 43%
  • Tre herë në javë 21%
  • Vetëm në fundjavë 7%
  • Asnjëherë 29%

SHBA-ja konfirmon largimin e ushtrisë serbe nga kufiri i Kosovës

Nga A2 CNN
4 Tetor 2023, 08:05 | Kosova
SHBA-ja konfirmon largimin e ushtrisë serbe nga kufiri i Kosovës

Zëdhënësi i Shtëpisë së Bardhë për Sigurinë Kombëtare, John Kirby, deklaroi përpara gazetarëve në Uashington se Serbia ka nisur tërheqjen e ushtrisë përgjatë kufirit me Kosovën, e vendosur aty pas incidentit të rëndë të 24 shtatorit.

“Që kur deklaruam publikisht se kishim parë forcat serbe përgjatë kufirit, i kemi parë se kanë filluar t’i tërheqin ato forca nga aty. Kjo është diçka pozitive, do të ndihmojë për të shtensionuar situatën. Nuk do t’i eliminojë tensionet, por do ta zbusë situatën”, tha Kirby.

Shtetet e Bashkuara e quajtën më herët këtë grumbullim të pashembullt dhe i bënë thirrje Serbisë të tërheqë forcat nga kufiri me Kosovën.

Mes të tjerash, Kirby tha se Shtetet e Bashkuara nuk planifikojnë të shtojnë numrin e trupave paqëruajtëse amerikane në KFOR.

A2 CNN Livestream

A2 Business