Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 10%
  • Kujdesi familjar 80%
  • Ndikimi i shoqërisë 10%

Zjarri shkrumbon një bllok apartamentesh, digjen 4 fëmijë

Nga A2 CNN
11 Tetor 2023, 11:00 | Bota
Zjarri shkrumbon një bllok apartamentesh, digjen 4 fëmijë

Katër fëmijë kanë humbur jetën teksa janë djegur nga zjarri që shpërtheu në katin e fundit të një blloku apartamentesh katërkatëshe në qytetin spanjoll të Vigos.

Reaguesit rajonalë të urgjencës konfirmuan, mëngjesin e sotëm, se të gjithë personat që kishin vdekur në tragjedi ishin të mitur, por nuk është qartësuar mosha e tyre.

Zjarri shpërtheu rreth orës 4 të mëngjesit të sotëm në strukturën e banimit në lagjen e quajtur As Travesas, ku thuhet se strehoheshin pesë familje në secilin nga katër katet e saj.

Zjarri u vu shpejt nën kontroll dhe ekspertët e forenzikës së policisë rrethuan ndërtesën, por Kryebashkiaku i Vigos, Abel Caballero tha se 8 persona të tjerë mbetën të plagosur nga flakët dhe janë dërguar në spital.

Tragjedia në Vigo vjen pas zjarrit shkatërrues në një klub nate në Murcia më 1 tetor, që i mori jetën e 13 personave.

A2 CNN Livestream

Ditari nga Denisa Pasholli